Drug delivery plataforma propioak eskaintzen ditugu, farmakoaren eraginkortasuna hobetzeko, bideratzeko eta, aldi berean, albo-ondorioak gutxitzeko.
CIDETEC Nanomedicine-k eskarmentu handia du antibiotikoak kapsulatzen, eta konposatu hidrofilo nahiz hidrofoboak kapsulatzeko soluzioak eskaintzen ditu.
Garatzen ari diren proiektuen artean, nabarmentzekoa da farmakoak inhalatuz emateko proiektua.
30 nm baino gutxiagoko nanogelak, kate polimeriko bakar batetik eskuratzen direnak. Egitura kontrolatua eta zehatza duten sistema egonkorrak dira, erraz funtzionalizatzeko modukoak. Fabrikatze-prozesua ere eskalagarria da, eta GMP ingurunera transferi daiteke.
Sistema horiei esker, interakzio ez-kobalenteen nahiz biokonjugazioaren bidez kapsula ditzakegu farmakoak.
30 nm baino txikiagoak diren eta pisuaren %40 arteko antibiotiko-karga duten partikulekin nanoformulatutako antibiotikoak. Produktua liofilizatu daiteke, eta erraza da berriro uretan sakabanatzea.
Antibiotikoak modu kobalentean ainguratzen dira, farmakoa motelago askatzeko, edo modu ez-kobalentean, azkarrago askatzeko, printzipio aktiboaren jarduera mantenduz.
Polisakaridoetan oinarritutako emultsionatzaileak, olioak uretan modu egonkorrean emultsionatzea lor dezaketenak.
Sorburu-polisakarido desberdinak (bereziki destranoa, azido hialuronikoa eta kitosanoa) erabiltzeko aukera ematen duen teknologia moldakorra. Halaber, askotariko olioekin emultsioak sortzeko erabili da, omega-3 eta bestelako olio aktiboak barne. Nanoemultsioen tamaina 200 eta 500 nm-ren artekoa da, erabilitako polisakaridoaren eta olioen arabera.
Erabilitako kimikaren ondorioz, nanoemultsioak degradatu egiten dira lipasen aurrean.
Teknologia horrek polipeptidoak erabiltzen ditu nanoemultsioak sortzeko, ura oliotan edo olioa uretan nahastuta. Horri esker, farmako hidrofoboak nahiz hidrofiloak kapsula daitezke.
Sortzen diren nanoemultsioek kanpoko estimuluei erantzuten diete, hala nola pHari edo entzima jakin batzuen presentziari, errazagoa izan dadin osagaiak ekintza-eremuan askatzea.
Beste enpresa batzuekin egindako garapenen eta bazkide estrategikoekin dituzten kolaborazioen bidez, CIDETEC balio erantsi handiko produktuak garatzen ari da farmaziaren arloko merkaturako.
Garatutako drug delivery sistemak abantaila lehiakor handiak erakusten ari dira, farmakoak inhalatuz emateari, topikoki emateari eta medikuntza birsortzaileari dagokionez.
Kontzeptu-proba aurreklinikoa gainditu ondoren, lizentziatzeko prest daude.
Kusudama Therapeutics enpresarekin batera, antibiotikoak inhalatuz emateko formulazio berriak garatzen ari da CIDETEC.
Enpresaren helburua da pazientearen bizi-kalitatea hobetzea, farmakoen dosifikazio-epeak luzatzeko aukera ematen duten formulazioekin, antibiotikoak birikan hobeto barreiatzen direla bermatuz.
Teknologia hori uretan disolba ezin diren farmako hidrofoboak kapsulatzeko diseinatu da, baina haratago joan daitekeela erakutsi du; izan ere, nanoemultsioaren nukleoan aktibo hidrofoboak kapsulatzeko eta emultsionatzailean farmako hidrofiloak kapsulatzeko aukera ematen baitu.
CIDETEC-ek proiektu batean baino gehiagotan erabiltzen du farmakoak emateko teknologia hori, birikan pixkanaka-pixkanaka askatzeko kontzeptu-probekin eta medikuntza birsortzailean aplikatzeko saiakerekin, polimero-substratuetan oinarrituta.
Azido hialuronikoa kimikoki aldatzen da, emultsionatzaile gisa erabili ahal izateko.
Nanoemultsioei esker, osagai aktibo hidrofoboak kapsula ditzakegu barruan, efektu sinergikoak lortzeko helburuarekin, azalean tratamendu topikoak egin ahal izateko eta aktiboak pixkanaka-pixkanaka aska daitezen.
Patenteak
Aplikazioak
Kate bakarreko nanopartikulak